FORMIDA: Material trëfft Emotiounen - Leem als kreatiivt Ausdrocksmëttel

Firwat sollt Dir Iech aschreiwen? 

Zesummen tauche mir an déi faszinéierend Welt vum Leem an. Ewech vum Leeschtungsdrock a mei no u Selbsterfarung, Kreativitéit a Staunen. Mir entdecken, wei duerch Ausprobéiere Gedold, Ausdrockskraaft a Forschergeescht entwéckelt ginn. Mat Reschtmaterialie als Stempel, Verbindung oder Experimenteiergeschier, erweidert sech d'Schaffe mam Leem- spilleresch, kreativ a ressourcëschounend.

Eng praxisno Formatioun, déi Alldag a Fantasie beräichert

Wichteg: Dës Formatioun riicht sech u Mataarbechter, déi mat Kanner vun 4 bis 12 Joer schaffen.

Wéi gëtt an dëser Formatioun nohalteg geléiert a wéi gëtt den Transfer an d'Praxis ënnerstëtzt? 

D’Formatioun verbënnt praktescht Erfuerschen, eegen Erfarungen a fachlechen Austausch. D’Participanten probéieren Leem a verschidde Reschtmaterialien aus a erliewen d’Aktivitéiten aus der Perspektiv vum Kand. Am Austausch gëtt dei eegen Haltung zum kreative Prozess reflektéiert: Am Mëttelpunkt steet net e fäerdegt Resultat, mee d’Entdecken, Experimentéieren an d’Entwécklung vum Kand. Konkret Iddien ënnerstëtzen den Transfer an de pädagogeschen Alldag.

No dëser Formatioun sidd Dir an der Lag: 

• Leem als kreatiivt a pädagogescht Medium am Arbeschtsalldag mat de Kanner anzesetzen
• Reschtmaterialien geziilt als Gestaltungselementer am Leem anzesetzen
• Net alleng de fäerdege Produit an de Mëttelpunkt ze stellen, mee d'Léierprozesser vum Kand unzereegen an ze beobachten
• Leemreschter sënnvoll opzebereeden an esou nohalteg ze schaffen

Bréngt w.e.g. Folgendes mat op d'Formatioun: 

Beim Schaffe mam Leem dierf een och mol sabbelen – bréng am Beschten en ale T-Shirt oder e Kittel mat.
Noo dëser Formatioun kënnt Dir vun den Offeren am formida echange, zB Materialien mathuelen, profitéieren. Bréngt gären e puer Tuuten oder Behälter mat, fir d'Materialien ze transportéieren.

BUKVIC Nedzada

Éducatrice diplômée

Arcus Asbl